Como doño di mascota nos mester tende cuenta cu nos Ley di Cacho. Esaki ta pa preveni cu abo como doño di mascota, haya un boet indiseabel. Abo conoce nos Ley di Cacho?
Cacho y pushi mester di su cuido di salud. Entro otro su vacuna tur aña, pilder di carpata cu purga y pilder contra bichi di curason. Abo ta hiba bo mascota veterinario?
Sterilisando bo mascota bo ta preveni puppies y pushi indesea. Cu microchip bo mascota ta haya su ID den nos database central di animal. Abo a sterilisa y microchip bo mascota?
Den ultimo luna nos a observa un crecimento di e tendencia cruel di bandona mascota riba caya. Cacho y pushi ta animal domestico y ta depende 100% di nan doño y ta sufri hopi ariba caya. E tendencia aki tambe ta e raiz di e problematica di sobre populacion di cacho y pushi. Si bo ta pensa cu bo no por cuida bo mascota mas, bandon'e riba caya NO TA E SOLUCION y bo no ta actua como un doño di mascota responsabel. E miho solucion ta pa busca ayudo.
Cacho y pushi ta animal cu por biba por lo menos 15 aña y cu bon cuido di salud, hopi atencion y amor nan por bira nos miho compañe di cas. Ban stima nan, manera nan ta stima nos!
Cuido di Salud
%
Amor y Atencion
%
Cacho y pushi ta bestia domestico y nan ta depende ful di nos como nan doño. P'esey no bandona nan ariba caya y laga nan biba un bida cruel y cu hopi sufrimento. Nan merece e miho di nos!
