Kico nos veterinarionan ta conseha?
Click e video pa haya sa kico ta importante pa e salud di bo mascota.
Ora bo busca un cacho of pushi bo tin cu vacun'e desde su 6 siman. Despues e ta keda haya su vacuna tur aña pa proteh'e contra malesa manera PARVO.
Tur luna ta importante pa duna bo cacho of pushi su pilder contra bichi di curason: Heartguard. Bo por haya esaki na cualkier veterinario.
Pa preveni cu bo cacho ta haya carpata bo ta dun'e su nexguard tur luna. Carpata ta hopi peligroso y cu Nexguard bo cacho ta bon proteha.
Cu 6 luna bo por sterilisa bo cacho of pushi. Sterilisacion ta preveni cu cacho y pushi ta keda reproduci for di control. Alabes e ta preveni malesa y tambe cancer.
Ora cu sterilisa bo mascota bo por microchip e tambe. Asina e ta haya su ID y ta wordo registra den nos database central Aruba Pet Registry.
Pa bo cacho of pushi biba un bida saludabel bo ta hib'e tur aña pa haci un cheqeo fisico na bo veterinario. Preveni sorpresa door di haci e control tur aña.
Pa tur cuido di salud y conseho bo por yega na un di e 5 veterinarionan na Aruba pa asina duna bo mascota e miho cuido di salud cu e merece.
Ora bo cuida bo mascota su salud e ta biba un bida dushi y largo. Pero esaki tin su gasto, busca informacion na veterinario y haya si abo por busca un cacho of pushi pa bo famia.
